नाता नै हो
नाता नै हो नयाँ जुड्दा अर्को तिर कम्जोर भयो
हेर्दा हेर्दे सबै नाता क्षितिज पारी बिलाई गयो ।
सास थियो आस थियो शायद अब सबै गयो
कोहो आफ्नो कोहो पराइ यि आँखाले चिन्नछाड्यो।
भुल्न कहाँ सकिन्थियो र एक पल्ट माया बसे
तोड्न कहाँ सकिन्थियो र एक पल्ट नाता जुटे।
मन तेसै भक्काउछ तिम्रो मेरो नाता सम्झी
जुन हेर्दा जुनै रोयो बिगतका मर्म सम्झी ।
सबै भुली रमाउनु, सक्छौ भने माफि दिनु
दैलो सधैं खुलेको छ घुम्दै आउँदा पसिदिनु ।
खुशी नै छौ सुखी नै छौ नपुगेको के नै भयो
नाता नै हो नयाँ जुड्दा अर्को तिर कम्जोर भयो ।।
(आशु)
No comments:
Post a Comment