Tuesday, June 12, 2018

फर्केर आउ

फर्केर आउ नभन मलाई, फर्कने रहर यता पनि छ
बस् देश अनी देश बासीसँग, सम्झौता गर्न बाँकी छ  ।

एउटा छोरा पाउन, गणेश पुराण नलगाए पुग्छ 
सँस्कार को नाममा बाहुन क्षत्री भन्न छाडे पुग्छ 

भयो साडी लगाएर सँस्कार  जोगिदैन 
भोली मेरै छोरी बलात्‍कृत हुन्न भन्न सकिदैन 

धड्कन भएकी छोरीलाई गर्बमै नतुहाए पुग्छ 
बलात्कारीलाई पासो दिने कानुन ल्याए पुग्छ 

फर्कने रहर मन मुटुमा कती छ कती छ 
कसरी फर्कु म त्यहाँ, जहाँ एउटी छोरी असुरक्षित छ ?

फर्केर आउ नभन मलाई, फर्कने रहर यता पनि छ
बस् देश अनी देश बासीसँग, सम्झौता गर्न बाँकी छ   । । 

पढेकी बुहारी खुशी खुशी छोरा सँग दफ्तर गए पुग्छ
सुख अनी दु:खमा ससुरालाई अङालो मारेर रुन पाए पुग्छ

बाबु छोराले खाएको थाल,  गर्गटोमा लगेर छोडे पुग्छ
आँफैले पकाको खाना, चिसो नहुँदै खान पाए पुग्छ 

छोरीले आँफै  बिहे गर्ने उमेर भयो भन्न पाए पुग्छ 
बस् समाजले कुरा नकाटी बिधवाको  बिहे गराए पुग्छ

सन्तान जन्माउने निर्णय घोचपेच बिना आँफै गर्न पाए पुग्छ
धेरै मागेकी छैन हे देश , नारीले अधिकार पाए पुग्छ

फर्कने रहर मन मुटुमा कती छ कती छ 
तर कसरी फर्कु म त्यहाँ, जहाँ एउटा नारीको स्वाभिमानमा प्रश्न छ ? 

फर्केर आउ नभन मलाई, फर्कने रहर यता पनि छ
बस् देश अनी देश बासीसँग, सम्झौता गर्न बाँकी छ   । । ।
आशु
०६-१२-२०१८ 



Tuesday, June 5, 2018

सम्झदा तिमीलाई

सम्झदा तिमीलाई, मन मुटु चुडिएर आएको छ
दिमागले फेसबूक खोलेर, तिमीलाई हेर भनेको छ
धन्न मुहारपुस्तिका छ र ,तिमीलाई हेर्ने बाहना छ
नभए त तिमी कहाँ म कहाँ, सम्भव कहाँ छ
मात्र तिमीलाई सम्झेर, उदास हुने अधिकार छ
मलाई सम्झने नसम्झने, बस तिम्रो हातमा छ
भयो नसम्झनु, यो मनले कतै किनारा पाएको छ
बस कहिले काही तिम्रो सम्झनामा कलम सरेको छ
06/05/2018
Aanshu

Wednesday, May 16, 2018

म भित्रको मौनता

म भित्रको मौनता

बोल्न नपाई बिमुख भएका छन बोलिहरु 
सोच्न नपाई कर्तब्एबिमुख छन बिचारहरु 
थाहा छ सुन्न खोज्छ कोही मेरा औच्चारित बोली 
तर पनि डराउछ उ कसैसँग अनी झस्किन्छ 

सधैंको लागि बन्द हुन्छ मेरो स्वोर कन्ठ 
मेरो चित्कारहरु भित्र भित्रै मडारिन्छ मात्र मडारिन्छ 
अनी आँफै माथि अबिश्वासको प्रश्न उठाउछु म 
बिराउ केही पनि त छैन तैपनी मन किन पोल्छ ?


आसुँ 
नखुलेको दिन 

फुलेको केस अनी म

एउटा फुलेको केसले दिनै नरमाइलो बनाएर छोड्यो। आजको दिनमा मेरो असल साथी एही ऐना भयो। एही ऐनाको र मेरो धेरै बेर मिठो अनी नमिठो वार्तालाप भयो। उस्लेत भन्दै थियो किन चिन्ता लिन्छौ एउटा केस त फुलेको हो। तेही केसलाई निर्मुलिकरन गर्न धेरै नै कष्ठ भयो। अन्तेमा केस हातमा आउँदा कुनै युध जितेको भान भयो अनी खुशीले गद्गद भए। तर त्यो खुशी केहीबेरलाई थियो। किनकी तेही सेतो केस्ले मलाई नै हेर्दै थियो। म त एक्लो थिए तेसैले जितेजस्तो लाग्यो होला अब आउने दिन्मा म जस्तो कती आउनेछन आउनेछन अनी तेरो केही लाग्ने छैन। अनी फेरी खोज्न थाले फुलेको केस। अब त मलाई ऐना देखी नि लाज लाग्न थालिसक्यो । अब त यो ऐनाले पनि जिस्काउन थालिसक्यो। अनी आँफै सँग प्रश्न गरे के छ त्यस्तो यो फुलेको केसमा ? किन करोडौको बिचमा रहेको एउटा सेतो त्यन्द्रोले मेरो दिनै बिगार्यो ? किन मलाई हारेको महसुस भएर आयो ? किन ? यस्तै यस्तै प्रश्नहरुले मन मस्तिस्क भरिएर आयो अनी आँफैले उत्तर दिए जुन उत्तरहरुले जिन्दगीलाई हेर्ने दृष्‍टिकोड देखाइदियो । जिन्दगीमा रहेका अनेकौ पाटाहरु मध्ये एउटा सुनौलो पाटो सँग चिनाजानि  गराइदियो

यो एउटा सेतो केस भनेको जिन्दगीमा आउने कठिनाई हो। तिमीलाई जसरी हेर्नु मन छ त्यसरीनै हेर्न सक्छौ। ति करोडौ कालो केसहरु हेरेर तिमी कहिले पनि खुशी भएनौ  होला किनकी कुनै दु:ख नगरि पाएको कुरा न थियो , तर जब तेही केस सेतो भयो किन चिन्ता? बाँकी रहेका केस हेरेर अझै पनि खुशी हुन सक्दैनौ तिमी। तिमीसँग जे छैन तेही चहिएको छ। अब एउटा केसलाई लुकाउन अनेक जुक्ती निकाल्दैछौ तिमी । कपालमा मेहेन्दी लगाउने कि ? कुन रङ्को लगाउने, कि अरु कुनै केमिकल लगाउने ? तिम्रो केस फुल्नुमा तिम्रो कुनै हात थियो त सिबाय आमाले टाउकोमा नुन पार्नु हुँदैन छोरी भन्दा यो ममी पनि के भन्नु हुन्छ हुन्छ भनेर आमालाई उडाउने बाहेक। तर नुन र केसमा कतिको सम्बन्ध छ यो अझै कसैले अनुसन्धान गरेको छैन होला। जुन कुरा आफ्नो बसमा छैन तेही कुरालाई लिएर किन आफुलाई दु:ख दिनु ? बरु बाँकी रहेको करोडौ -१ केसलाई हेरेर खुशी हुन्छु म। सेतो केस त मात्र एउटा उधारण हो हाम्रो जिबनमा आउने अड्चन हरुको। यि अड्चन हरुलाई कसरी हेर्ने अनी कसरी आफ्नो मनलाई सम्हाल्ने हाम्रो बसको कुरा हो। जुन कुरा आफ्नो बसमा छैन किन चिन्ता? जिन्दगी भरी आफुले सम्हालेका सुखहरुलाई एउटा दु:खले कुल्चिन दिने नदिने पनि आफ्नै बसको कुरा।
एउटा फुलेको केसले सिकाएको पाठ
आसुँ
05/16/2018

Thursday, October 6, 2016

तिमी आयौ रत


तिमी आयौ रत


बिर्सेंको थियो यो मनले हास्न अनी खुशी हुन
रणभुल्मै हराएथे आफ्नै अस्थित्व बच्चाउन
नत हासो थियो ओठमा नत मनमा खुशी नै  
कतै अल्मलिएथे  एक्लै म बेहोसिम

                 तिमी आयौ रत सानु सास आयो,मुस्कान आयो 
                 तिमीले अङगाल्येउ रत सानु मन्मा उमङ आयो
                 तिमी नै तिमी थियौ रत सानु तेसैले जिउदो थिए                   
                 मायाको एक स्पर्स के पाए हर्षले छताछुल्ल भए म

तिमीसँग हराउदा बर्षौ बितेको पत्तो पाएन
तिमीसँग रमाउदा दु:ख कत लुके थाहै भएन
मनले अझै भन्छ सानु हिजो भर्खर देखेको हो
पागल मनलाई के थाहा मायाको गाठो त नौ बर्षको हो
                                                                                          आसुँ
                                                                                       09/27/2016

Monday, August 11, 2014

सुभकामना

सुभकामना

खुसि छु आज हो धेरै नै तिम्रो निम्ति 
तिम्रो नवजीवनको मुरी मुरी सुभकामना 
येधेपी हृदयको  कुनामा सन्त्रास छाइरहेछ 
कुन्नि किन कता कता त्रास फैलिरहेछ 

कति सहज छ नि भन्न जिन्दगि यस्तै रहेछ 
आखिर मानब आत्मा न हो फरक किन हुन्छ
थाहा छैन किन यो पागल मन बुझ्दै बुझ्दैन 
आखिर किन मेरो भाब तिमि संग पुग्दैन 

सुन्य मेरो जीवनलाई  नया आयाम सिकायौ
एक्लो थिए साथित्तोको भाब किन बढायौ 
हर्सित छु म धेरै, तर किन यो मन झुकेको छ ?
यति भन्छु तिमीलाई हृदयदेखि सुभकामना छ 

Monday, July 14, 2014

मेची काली त के हो र?

Found this, that I wrote long time ago, political situation is little changed in Nepal but reality of politicians is still the same....... 
मेची काली त के हो र, देशनै लीलाम गर्छु 
दिदी आमा त के हो र, आफ्नै छोरी बेचिदिन्छु 
परिवार त के हो र, समाज नै त्यागिदिन्छु 
कुर्ची मात्र पाउ मैले, देशनै हल्लाइदिन्छु ।।

प्रगती खोही त भन, सतिले सराप्या भन्छु 
वार्ता मात्रा भनिदेउ, चुनाव गराइदिन्छु 
कुर्ची खोसिन त लागोस, राजा कुत्ता बनिदिन्छु
कुर्ची मात्र पाउ मैले, देश नै हल्लाइदिन्छु ।।

विश्वाश मात्र त गर, म घाटी नै न्याकिदिन्छु 
सत्ता मात्र हात पारु, हिट्लर बनिदिन्छु 
शान्ति मात्र भनिदेउ, बारुद पड्काइदिन्छु
कुर्ची मात्र पाउ मैले, देश नै हल्लाइदिन्छु ।।