Tuesday, December 3, 2013

नाता नै हो

नाता नै हो
नाता नै हो नयाँ जुड्दा अर्को तिर कम्जोर भयो 

हेर्दा हेर्दे सबै नाता क्षितिज पारी बिलाई गयो ।

सास थियो आस थियो शायद अब सबै गयो 
कोहो आफ्नो कोहो पराइ यि आँखाले चिन्नछाड्यो।

भुल्न कहाँ सकिन्थियो र एक पल्ट माया बसे 
तोड्न कहाँ सकिन्थियो र एक पल्ट नाता जुटे।

मन तेसै  भक्काउछ तिम्रो मेरो नाता सम्झी 
जुन हेर्दा जुनै रोयो बिगतका मर्म सम्झी ।

सबै भुली रमाउनु, सक्छौ भने माफि दिनु
दैलो सधैं खुलेको छ घुम्दै आउँदा पसिदिनु ।

खुशी नै छौ सुखी नै छौ नपुगेको के नै भयो 
नाता नै हो नयाँ जुड्दा अर्को तिर कम्जोर भयो ।।
                                                       (आशु)

Tuesday, July 16, 2013

सन्तुस्ट कहिले हुन्छ

सन्तुस्ट कहिले हुन्छ

चिरेर हेर्छु जब जिन्दगीलाई 
उदासी मन नराम्रारी कोल्टो फेर्छ  

दौडन खोज्छु जती तिम्रो छाया देखी 
टुक्रेको मुटुले चिचाउदै निस्ठुरी भन्छ 

तन पोलेको छ मन भत्केको छ 
तै पनि दुनियाँ सामु हास्नु परेकै छ 

रातमा अन्धकारले नराम्रो सँग चिडाउछ
भन्छ मान्छे  न हो सन्तुस्ट कहिले हुन्छ ।।
आशु  .....